رواية عالم موازي الفصل السادس عشر 16 بقلم رشا منصور
#الجزءالسادس_عشر
#عالم_موازي
أنجي. ..
أستغربت وجودى فجأة واقفه قدام الكل ولقيت شلتوت بص للجن ولقيته بيقرب مني وأول ما لمسني حسيت كأن روحى. بتتسحب مني ولقيت نفسي فى بيت دنيا
ولقيت شلتوت بيقولى محتاج منك خدمه قولتله ايه
قالي عاوز منك اى معلومه اى حاجه أمارة منك محدش يعرفها غيرك أنتي ودنيا
قولتله اشمعني قالي أصل مطلوب من دنيا تنفذ كلامنا وممكن تخا'ف مننا وأحنا لما نقول الإمارة هتتأكد أننا من طرفك
قولت له لا لآ افهم الأول انتوا ناويين ع إيه أنا مش هضحي. بصحبتي علشان أنقذ. نفسي استحالة
لقيته قالي هتفهمي بعدين وكمان هى باللي هتعمله ده هتنقذك.وتنقذ نفسها وتنقذ أخواتنا من الجن يعني الكل مستفاد
قولتله بردو أفهم كل حاجه الأول قالي اول ما تحضر يجنأ هحكي علشان مفضلش أقرر الكلام
ولقيت يجنأ جت ومعاها قرينه دنيا أستغربت أوى وفضلت ساكته ولقيت شلتوت بيقول ل قرينة دنيا كل اللى هقولك عليه دلوقتي تحفظيه وهتقوليه قدام السا'حر سيدنا السيد واياكي يحس أنك بتكدبي. أنا عاوز يحس أنك خا'يفه منه
وخلي بالك لو فكرتي تخد'عيني هسلمك ل
ولقيته بص للجن الموجود وهى أول ما شافته قالت له لك مني السمع والطاعه
بقيت باصه له وخدت يجنأ ع جنب بعيد عنهم وبقولها هو الجن ده جامد آوى كدا لقيتها بتقولى إذا كان الكل بيعمل حساب ل شلتوت مابالك بقي ب مارد. من سلالة الملوك
قولت لها ده ع كدا بقي المفروض أحترم شلتوت لقيت شلتوت بيقولى المفروض يا طنط أنجي😏
ويلا علشان تنفذي. دورك مع دنيا مافيش الوقت لازم تبقي جاهزة فى الميعاد !! إيه ده هو سمعني ازاى
دنيا…..
كنت قاعدة فى البيت ومشغله موسيقي هاديه علشان تساعدنى ع الاسترخاء والتفكير ومغمضه عيني فجأة لقيت زى ضوء قوى. عند عيني بفتح اتفز'عت من المنظر حاولت اصو'ت صوتي مكنش طالع ولقيت جسمي متخشب مش قادرة اتحرك وسمعت صوت أنجي بتقول اطمني يا دنيا دول طيبين وجاين علشان الخطه' اللى لو نفذتيها صح هتقدري تنقذ'يني وهتنقذ'ي ناس كتير ارجوكي نفذى. كلامهم وحياة خاطر ياسمين عندك بعدها لقيت جسمي فك وقدرت أنطق ولقيت الاتنين اللى واقفين قدامي واحد منهم قالي
إحنا آسفين يا انسة دنيا حضرنا فجأة لكن مافيش وقت إحنا لقينا حل تساعدى به صاحبتك أنجي وتساعدى نفسك وتساعدينا إحنا كمان بصيت له وفضلت ساكته محدش يعرف حاجه عن ياسمين غير أنجي ولقيته بيقول
فى واحد سا'حر محتجز. مجموعه من الجن وبيعذ'بهم لو قدرتي تساعدينا ننقذهم المارد. اللى حضر أثناء جلسة التحضير هيرجع أنجي لعالمكم وكمان هيسيبك فى حالك بدون إزاء…. قولتي إيه
قولتله أنا موافقه بس عرفونى إيه المطلوب منى اعمله لقيته قالي اتصلي ع اى واحدة من أصحابك وهتقولى لها أنك قدرتي تعرفي ان الجن. اللى حضر ده جن عاشق ومش ناوي يسيبك
وفى ناس قالوا لكي ان فى شيخ شاطر أوى ممكن ينقذك. منه وتطلبي منها تروح معاكي عنده لأنك خا'يفه لو عمل جلسه او حاجه يغمي عليكي ومحتاجه حد تثقي فيه يكون جنبك وبعدها تجهزى وهعرفك العنوان وبس كدا
قولت له طب ما السا'حر ده أول ما يشوفني هيعرف إنى سليمه وأنى بكذب. عليه لقيته صدمنى. وقالي
اومال ده بيعمل إيه هو هيحط علامات عليكي تبين إنك ممسوسة بجن عاشق قولتله هاا😲!!
قالي يلا مافيش وقت اتصلي ع صاحبتك بسرعه ومتخا'فيش إحنا هنكون قريبين منك المهم أوعي تقعي بلسانك وتجيبي سيرة أنجي او الإتفاق اللى بينا
أنتي مجرد انسية عليها جن وراحه ل شيخ يعالجها فاهمه
قولت له حاضر بس بالله عليك أوعى صاحبك يعمل فيا حاجه
قالي إحنا جايين نحميكي' وعمرنا ما نضر'ك
ولقيت الجن اللى معاه بصلي وابتسم وقالي لكي مني الأمان أنتي بتعملي خدمه لنا يعني عمري ما اضر'ك وكمان اللى يشوف واحدة بالجمال ده ميقدرشي يعمل حاجه غير أنه يحميها' من اى حد يفكر يبصلها ما بالك بقي أنتي بتساعدينا
قولت له تصدق أنت طلعت جينتل مان مكنتش أعرف ان الجن عندهم ذوق بالشكل ده
قالي اللى يشوفك غصب. عنه يتعلم الذوق والرقه
ولقيت الجن التاني بيقولى أظن كدا اطمنتي يلا كلمي صاحبتك مافيش وقت
اتصلت ع رانيا لقيتها عند سالي فى الفندق قولت لها أنا تعبانه. وعرفت ان الجن اللى عليا مش هيسيبني وفى ناس قالولى ع شيخ هيقدر يساعدنى عوزاكى معايا علشان هروح له دلوقتي لقيتها قالتلي أنا وسالي جايين معاكي اجهزى وهنكون عندك فى خلال تلت ساعه وقفلوا
ولقيت الجن الضخم. ده قرب منى وقالي تسمحيلي المسك. ومتخا'فيش مجرد ما الموضوع ينتهي هترجعي أحسن من الأول ثقي فيا
قولت له موافقه بس الأول عاوزة أعرف أسمك قالي أسمي شيحال من الجن الأحمر ومش مرتبط فضلت باصه له وفجأة حسيت نفسي هفقد الوعي…..
يجنأ….
أول ما شيحال لمس دنيا قولت لهم أنا راحه عند السا'حر أشوفه وصل ولا لسه لقيت شلتوت قالي قصدك هتشوفي (سقراب) الطيار
قولت له قصدك ايه ع العموم آة راحه له علشان أعرف منه ده بدل ما تشكرني
قالي شكرا وخلي بالك من نفسك لأن سقراب مش سهل وممكن يسيطر. عليكي ويخليكي من ضمن خدام السا'حر علشان كدا ياريت تاخدى حذ'رك وتقفي معاه بعيد عن مكان السا'حر علشان لو فكر يعملك حاجه إحنا نقدر نساعدك
قولت له بجد يا شلتوت خا'يف عليا ولا خا'يف إنى مقدرش أساعدك فى تنفيذ' الخطه
قالي يا يجنأ إحنا بقينا فريق واحد ولازم قلوبنا تبقي ع بعض ويلا الحقي روحى لأن أصحاب الانسية وصلوا
قولت له تمام وأنا مطمنة لأنى واثقه أنك هتحميني' وطرت بعيد روحت عند سقراب وشاورت له ووقفت بعيد عن الجان ولما طلب منى أقرب واقف معاهم رفضت بحجه إنى بحب الخصوصية وأنى رافضة' أشوفه واقف كدا زيهم مجرد خادم عند سيده السا'حر
لقيت سقراب بصلي وقالي مصيرك تعرفي قو'تى
وفجأة تواصلت معايا آسيا وقالتلي الانسية وأصحابها وصلوا خلي بالك
شهياص….
كنت واقف ومتابع خطة' شلتوت ومركز فى كلامة وتصروفاته وعجبني طريقه كلامه مع يجنأ ومجرد ما انصرفت قولت له
مع ان عمرك صغير لكنك قدرت تخد'ع يجنأ وتحسسها أنك خا'يف عليها برافو عليك أهو كدا هتهتم أكتر بتنفيذ' اوامرك وتضمن ولاءها لك لقيته ضحك وقالي
أنا كنت بقول الحقيقه لما تحب اللى معاك وتحميهم' هتلاقي هما أخلصوا لك وعملوا المستحيل. علشانك من غير خد'اع او كدب…
قولتله أنا واثق ومتأكد أنه هيكون لك شأن عظيم وعائلتك لها الحق ان تفتخر بك
قالي أقدر كلامتك ليا ودلوقتي يلا بينا نقرب علشان نحميهم'
وطلب من آسيا تفضل فى مكانها ومتجيش معانا وطيرنا فوق عربيه الانسية وأصحابها
دنيا….
أول ما ابتديت افوق حسيت جسمي مكسر' ومجهده أوي مكنتش قادرة أقف وببص ملقتش حد موجود من الجن ناديت وقولت شيحال أنت فين أنا تعبانه وديخه آوى
سمعت صوته بيقولى أنا معاكي ويلا علشان اصحابك وصلوا وحسيت إنى اتنقلت فجأة وبقيت عند السلم واقفه قدام عربيه سالي قولت أنا جيت هنا ازاى
قالي ساعدتك وهفضل جنبك واى حاجه محتاجاها فكري فيها بس بلاش تتكلمي
ببص لقيت رانيا وسالي نزلوا من العربية وساعدونى اركب وقالولى شكلك تعبان أوى ووشك باهت وايه العلامات اللى فى إيدك ورقبتك. دى ببص فى المرآيا لقيت حوالين عيني أسود وبقيت شبه المد'منين اتخضيت' من منظري
سمعت صوت شيحال فى وداني بيقول أنتي أحلي واحدة فى نظري واضح ان أصحابك بيغيروا منك او نظرهم ضعيف مش قادرين يشوفوا جمالك
ابتسمت وقولت أنت رقيق أوى ياريتك كنت إنسان مش جن… لقيت رانيا بتقول
الحقي يا سالي ده الجن موجود معاها وبتكلمه لآ دى حالتها بقت صعبة آوى وسمعت سالي ردت عليها وقالت لها أنا مش عارفه الطريق كدا صح ولا أنا توهت' مش عارفه أمشي ازاى
ابتديت اركز وقولت وصلني عند السا'حر وفى لحظه لقيت العربيه وقفت وسط بيوت قديمة ومهجو'رة
وسمعت شيحال بيقولى أنا هقف هنا مش هينفع أدخل معاكي بس اطمني هكون متابع وعارف كل اللى بيحصل
هزيت رأسي ورانيا وسالي ساعدونى أنزل من العربيه وأول ما دخلت البيت ولقيت😲……
أنجي…
كنت متوترة وقلقانه ومش عارفه إيه اللي بيحصل وياتري دنيا عامله ايه دلوقتي
وآخر ما زهقت قولت يا يجنأ لو سمعاني ياريت تحضري وعرفيني إيه اللي بيجري عندك طمنيني ع دنيا لقيت بعد لحظات ايسآ اللى حضرت وبتقولي احنا فقدنا الاتصال ب دنيا قولت لها يعني إيه دنيا جري لها حاجه؟؟؟
يتبع….
ياتري إيه اللي حصل مع دنيا
بقلم #رشامنصور
